Haú to Ríd Naijíriá Píjin (NP)

I dé impọ́tant mék yu fẹ́st ọndastán NP álfábẹt an NP ọtọ́gráfi bifọ́ yu yúz di lángwej ték dú énítin.

Íf pẹ́sin wán tọ́k wẹ́l wẹl wit Naijíriá pípul fọ Naijíria, dẹn i dé impọ́tant wẹ́l wẹl tuu mék di pẹ́sin sabí NP.

Di álfábẹt an ọtọ́gráfi go mék am ízi fọ yú to ríd an ọndastán wétín dé ínsaíd di Naijíriá Píjín Baíbul.

Haí tón mak-dẹm wé go hẹ́lẹ́p yú tọ́k sọm wọd-dẹm haú yu sọpóz tọ́k dẹm.

Di dọt-dẹm wé dé ọ́ndá ‘e’ an ‘o’ laik dis: ‘ẹ’ an ‘ọ’. Dẹm go hẹ́lẹ́p yú sabí di dífrẹ́n wè-dẹm fọ ték tọ́k di vául-dẹm.

Naijíriá Píjín (NP) Álfábẹt an Ọtọ́gráfi.

Naijíriá Píjín Álfábẹt (NPA) nọ́ bi Ínglísh Álfábẹt. NPA rizẹ́mbúl plẹ́ntí ọ́dá Naijíriá lángwej-dẹm álfábẹt. I rízẹ́mbúl Kamẹrún Píjin an Krió (Siẹra Lión Píjín) álfábẹt tuu. Bọt NP álfábẹt bi di spẹ́shál álfábẹt fọ di lángwej.

Na Tátí (30) sain dé fọ Naijíriá Píjín álfábẹt. Yu fít yúz bíg ọ smọ́l sain-dẹm ték raít di álfábẹt.

Haú to Tọ́k Naijíriá Píjín Álfábẹ́t Sain-dẹm

Naijíriá Píjín Vául-dẹm

Na sẹ́vún (7) vául dé fọ Naijíriá Píjín álfábẹt. Dẹm bi:

Naijíriá Píjín Kọ́nsónant-dẹm

Naijíriá Píjín álfábẹt gẹ́t twẹnti-tírí (23) kọ́nsónant. Dẹm bi:

Tón Mak-dẹm

Naijíriá Píjin (NP) na tón lángwej wé gẹ́t haí ton-dẹm laik dis: (  ́ ) an ló ton-dẹm laik dis: (  ̀ ). Di ton-dẹm de hẹ́lẹ́p pípul wé de spík NP mék dẹm spík im wọd-dẹm fọ kọrẹ́t wè.

Fọ éní NP wọd wé níd mék yu mák di ton-dẹm, na ónlí di haí ton-dẹm yu go mak. Nọ́máli, dẹm nọ́ de mák ló ton-dẹm, sékọf sé ples wiá dẹm dè fọ NP plẹntí wẹ́l wẹl. Éniwe, yu fít yúz ló tón mak-dẹm ték mák wọ́d-dẹm wé haú to spẹ́l dẹm bi di sem, bọt wétín dẹm min nọ́ bi di sem. Mék yu sí sọm ẹzámpul fọ ọ́nda:

Vául-dẹm Haí an Ló Ton

Dọt-fọ-ọ́ndá ‘e’ an ‘o’ Vául-dẹm

Dis na di dọt wé dé ọ́ndá ‘e’ an ‘o’ fọ Naijíriá Píjin (NP), an wé pẹ́sin fít yúz to mék ‘e’ an ‘o’ mék dẹm bi ‘ẹ’ an ‘ọ’. Di dọt-dẹm go hẹ́lẹ́p pẹ́sin wé de ríd NP mék i sabí haú di saúnd ọf di vául-dẹm dé dífrẹ́n frọm ích ọdá. I go ọ́lsó hẹ́lẹ́p am sabí haú to spík di dífrẹ́n difrẹ́n vául-dẹm.